TRENDING: Vice Mayor Paolo Duterte: "Basura ang inihaing reklamo ni Matobato sa Ombudsman"


Inilarawan ni Davao City Vice Mayor Paolo Duterte na basura ang inihaing reklamo ng self confessed killer na si Edgar Matobato sa Ombudsman ukol sa umano’y pag-iral ng Davao Death Squad.

Ayon kay Vice Mayor Duterte, ang mga kasong kriminal at administratibo na inirereklamo laban sa kanya, kay Pangulong Rodrigo Duterte at Philippine National Police (PNP) chief Dir. Gen. Ronald Dela Rosa ay nagpapatibay lamang sa demokrasya ng Pilipinas.

Iginagalang ni Duterte ang paghahain ng reklamo ni Matobato dahil kahit na sino ay may karapatan lalo na kapag nalalabag ang karapatang pantao.

Pero giit ng bise alkalde, ang mga alegasyon ni Matobato laban sa kanila ay produkto lamang ng imahinasyon ng isang galit na tao.

Nangangahulugan lang din aniya na ang ginawa ni Matobato ay nagpapakita nang kanyang patuloy na pagsisinungaling.

Una nang inihayag ng Malakanyang na ang mga pahayag ni Matobato ay panghaharass lamang at paglilihis sa atensyon ni Pangulong Duterte para hindi magampanan ng maayos ang kanyang tungkulin.

[Source]

What can you say about this trending news? If you find it more interesting please SHARE to your friends

No comments

Powered by Blogger.